கொழும்பு ஆர். பிரேமதாச விளையாட்டு மைதானத்திற்கு அருகே வாள்கள் துப்பாக்கி உள்ளடங்கலாக பல ஆயுதங்கள் கைப்பற்றப்பட்டுள்ளதாக பொலிஸார் கூறியுள்ளனர்.மாளிகாவத்தை ஜூம்மா மசூதிக்கு அருகே உள்ள கிணறு ஒன்றிலிருந்து 46 வாள்கள், MM 22 துப்பாக்கி ஆயுதங்கள் கூரிய ஆயுதங்கள் என்பன கைப்பற்றப்பட்டுள்ளன.
குறித்த பகுதியில் மேற்கொள்ளப்பட்ட விசேட சுற்றிவளைப்பு நடவடிக்கையின்போதே குறித்த ஆயுதங்கள் மீட்கப்பட்டுள்ளதாக பொலிஸார் கூறியுள்ளனர்.
இருப்பினும் இந்த சம்பவம் தொடர்பாக எவரும் கைது செய்யப்படவில்லை என்றும் தெரிவித்துள்ள பொலிஸார் மேலதிக விசாரணைகளை மேற்கொண்டு வருகின்றனர்.
