தளபதி விஜய் நடிக்கும் தளபதி 63ஆவதுதிரைப்படத்தின் ஒளிப்படங்கள் அவ்வவ்போது இணையத்தில் வெளியாகி இரசிகர்கள் மத்தியில் மகிழ்ச்சியையும் படக்குழுவினருக்கு அதிர்ச்சியையும் ஏற்படுத்தி வருகின்றது.
இந்நிலையில், இயக்குநர் அட்லி இயக்கும் தளபதி 63 திரைப்படத்தின் ஒளிப்படம் ஒன்று இணையத்தில் வெளியாகி வைரலாகி வருகின்றது. குறித்த ஒளிப்படத்தில் விஜய் சக்கர நாற்காலியில் அமர்ந்து மைதானத்தை பார்வையிடுகிறார். இவ்வாறான ஒளிப்படங்கள் இரசிகர்கள் மத்தியில் திரைப்படம் குறித்த ஆர்வத்தை அதிகரித்துள்ளன.
அத்துடன் இந்த திரைப்படத்தில் விஜய்க்கு ஜோடியாக நயன்தாரா நடிப்பது இரசிகர்களிடம் எதிர்பார்ப்பையும் அதிகரித்துள்ளது. பெண்கள் கால்பந்து விளையாட்டு குறித்த கதையம்சம் கொண்ட இந்த திரைப்படத்தில் விஜய் பயிற்சியாளராக நடிக்கின்றமை குறிப்பிடத்தக்கது.
