பேர்மிங்கஹம் நகரில் இடம்பெற்ற துப்பாக்கிசூட்டு தாக்குதலில் 23 வயது இளைஞர் ஒருவர் உயிரிழந்ததுடன் மேலும் இரு இளைஞர்கள் காயமடைந்துள்ளனர்.
ஆரம்பப் பாடசாலை ஒன்றின் அருகே நேற்று மாலை 5 மணியளவில் இடம்பெற்ற இத்தாக்குதலில் 19 மற்றும் 20 வயதான இரு இளைஞர்கள் காயமடைந்து மருத்துவமனையில் அனுமதிக்கப்பட்டுள்ளனர்.
இத்தாக்குதல் சம்பவம் தொடர்பாக இதுவரை கைது செய்யப்படவில்லையெனவும் சம்பவம் குறித்த விபரம் தெரிந்தவர்களை முன்வருமாறும் பொலிஸார் வேண்டுகோள் விடுத்துள்ளனர்.
துப்பாக்கிசூட்டுத் தாக்குதல் நடந்த இடத்தில் வசிக்கும் மக்களின் பாதுகாப்பை உறுதிப்படுத்தும் நோக்குடன் மேலதிக பொலிஸார் ரோந்து நடவடிக்கைகளில் ஈடுபடுத்தப்பட்டுள்ளனர்.
