சென்னை, பரங்கிமலையிலுள்ள இராணுவ அதிகாரிகள் பயிற்சி மையத்தில் 2018 – 2019 ஆண்டுக்கான இராணுவ அதிகாரிகள் தங்களது பயிற்சியை நிறைவு செய்துள்ளனர்.
இந்நிலையில் குறித்த பயிற்சி நிறைவை சிறப்பிக்கும் பொருட்டு இன்று (வெள்ளிக்கிழமை) சாகச நிகழ்ச்சிகள் நடத்தப்பட்டுள்ளன.
இதன்போது வேகமாக ஓடும் குதிரையின் மீது இருந்தபடியே கொடி ஏற்றுதல், தரையில் வைக்கப்பட்டுள்ள குறிப்பிட்ட இலக்கை போர் வாள், ஈட்டி, தடி கொண்டு எடுப்பது போன்ற பல சாகச நிகழ்ச்சிகளில் இராணுவ வீரர்கள் ஈடுபட்டனர்.
குறித்த நிகழ்வில் பெருந்திரளான மக்கள் கலந்துகொண்டு தங்களது மகிழ்ச்சியை வெளிப்படுத்தியதாக இந்திய ஊடகத் தகவல்கள் தெரிவிக்கின்றன.
மேலும் பயிற்சியை நிறைவு செய்த 140 வீரர்களில் 30 பெண் அதிகாரிகள் மற்றும் வெளிநாடுகளை சேர்ந்த 18 பேரும் உள்ளனமை குறிப்பிடத்தக்கது.
