நடிகர் கார்த்தி தேவ் படத்தைத் தொடர்ந்து ‘மாநகரம்’ இயக்குநர் லோகேஷ் இயக்கத்தில் ஒரு த்ரில்லர் படத்தில் நடித்து வருகிறார்.

நாயகி, காதல் இல்லாத இப்படம் ஒரே இரவில் நடக்கும் த்ரில் சம்பவங்களை அடிப்படையாகக் கொண்டது

இந்த படத்தில் கார்த்தி கைதி வேடத்தில் நடித்திருப்பதால் படத்தின் பெயரும் ‘கைதி’ என்று பெயரிடப்பட்டுள்ளது. இந்நிலையில் ‘கைதி’ படத்தின் பெர்ஸ்ட் லுக் வெளியாகியுள்ளது.

ட்ரீம்வாரியர் பிக்சர்ஸ் சார்பில் எஸ்.ஆர்.பிரபு தயாரித்து வரும் இந்த படத்தின் படப்பிடிப்பு இறுதிக்கட்டத்தை நெருங்கிவிட்டதாகவும், இந்த படத்தின் படப்பிடிப்பு விரைவில் முடிவுக்கு வரும் என்றும் கூறப்படுகிறது.

இப்படத்தையடுத்து பாக்யராஜ் கண்ணன் இயக்கத்தில் கார்த்தி ஒரு படத்தில் நடிக்கவுள்ளார். அதேபோல் ‘பாபநாசம்’ பட இயக்குநர் ஜித்துஜோசப் இயக்கத்திலும் கார்த்தி நடிக்கவுள்ளார் என்பதும் இந்த படத்தில் ஜோதிகா முக்கிய வேடத்தில் நடிக்கவுள்ளார் என்பதும் குறிப்பிடத்தக்கது.