ஜம்மு – காஷ்மீரில் இராணுவ  வீரர்கள் சென்ற வாகனம் மீது கார்குண்டு தாக்குதல் நடத்தப்பட்டுள்ளது.

இன்று (சனிக்கிழமை) நடத்தப்பட்ட இத்தாக்குதலில் உயிர்ச்சேதம் ஏதும் இடம்பெறவில்லையென இந்திய ஊடகத் தகவல்கள் தெரிவிக்கின்றன.

குறித்த சம்பவத்தை தொடர்ந்து அப்பகுதியில் மேலும் பாதுகாப்பு நடவடிக்கைகள் தீவிரப்படுத்தப்பட்டுள்ளதாக தெரிவிக்கப்படுகின்றது.

இதேவேளை கடந்த பெப்ரவரி 14 ஆம் திகதி  ஜம்மு-காஷ்மீர், புல்வாமா பகுதியில்  இராணுவ  வீரர்கள் சென்ற வாகனம் மீது பயங்கரவாதிகள் நடத்திய தற்கொலை குண்டுத் தாக்குதலில் 40இற்கும் மேற்பட்ட இராணுவ வீரர்கள் உயிரிழந்திருந்தனர். இந்த தாக்குதலுக்கு உலக நாடுகள் பலவும் தமது கண்டனங்களை தெரிவித்திருந்தன.

இந்நிலையில், ஜம்மு-காஷ்மீரில் மீண்டும் இராணுவ வீரர்கள் சென்ற வாகனம் மீது கார்குண்டு தாக்குதல் நடத்தப்பட்டுள்ளமை குறிப்பிடத்தக்கது.