நீண்ட காலமாக கனடாவின் வின்னிபெக்கிலிருந்து, சீனாவிற்கு பெருந்தொகையான கனோலா உற்பத்திகள் ஏற்றுமதி செய்யப்பட்டு வருகின்றது. இந்த நிலையில், கனடாவிலிருந்து ஏற்றுமதி செய்யப்பட்ட கனோலா தொகுதியில் தீங்கு ஏற்படுத்தக்கூடிய பூச்சிகளில் இருந்தான கிருமித்தொற்று காணப்பட்டதாக சீன அதிகாரிகள் தெரிவித்துள்ளனர்.
இதனால் கனடாவிலிருந்து அனுப்பி வைக்கப்பட்ட கனோலா உற்பத்திகளை இறக்குமதி செய்வதற்கு அனுமதி மறுத்துள்ள சீன அதிகாரிகள், சீன மக்களின் ஆரோக்கியமும் பாதுகாப்பும் மிகவும் முதன்மையானது எனவும் குறிப்பிட்டுள்ளனர்.
சீனாவிற்கும் கனடாவிற்கும் இடையில் கடுமையான இராஜதந்திர முறுகல் நிலைமை நீடித்து வரும் நிலையில் இந்த விடயம் மேலும் பிரச்சினைகளை அதிகரித்துள்ளது.