‘தேவ்’ திரைப்படத்தை தொடர்ந்து கார்த்தி தற்போது ‘மாநகரம்’ திரைப்பட இயக்குநர் லோகேஷ் கனகராஜ் இயக்கத்தில் நடிக்கின்றார். சென்னையில் படப்பிடிப்பு நடந்து வரும் நிலையில், திரைப்படத்திற்கு ‘கைதி’ என்று தலைப்பு வைத்துள்ளதாக தகவல் வெளியாகியுள்ளது.
கைதி என்ற தலைப்பை படக்குழு உறுதிசெய்துள்ளதாகவும், இதன் ஃபர்ஸ்ட் லுக் போஸ்டர் விரைவில் வெளியாகும் என்றும் கூறப்படுகிறது.
இந்த படத்தில் நாயகி எவரும் கிடையாது. 80 சதவீத படப்பிடிப்பு முடிந்துவிட்ட நிலையில், எஞ்சிய படப்பிடிப்பையும் விரைந்து முடிக்க படக்குழு திட்டமிட்டுள்ளது. ஒரு இரவில் நடக்கும் சம்பவத்தை மையப்படுத்தி இந்த படத்தின் கதை அமைந்துள்ளது.
