க.பொ.த. சாதாரணதர பரீட்சையின் பெறுபேறுகளுக்கு அமைய ஹட்டன் ஹைலன்ஸ் கல்லூரியில் 19 மாணவர்கள் 9 A சித்திகளை பெற்று சாதனை படைத்துள்ளதாக கல்லூரியின் அதிபர் ஆர்.ஸ்ரீதர் தெரிவித்தார்.
இப்பாடசாலையிலிருந்து இம்முறை 195 மாணவர்கள் பரீட்சைக்கு தோற்றியுள்ளனர். தோற்றிய 195 மாணவர்களுள், 194 மாணவர்கள் சித்தி அடைந்துள்ளதுடன், அவர்கள் க.பொ.த. உயர்தரம் கற்பதற்கு தகுதி பெற்றுள்ளனர்.
இதில் தமிழ் மொழி மூலம் 17 மாணவர்களும், ஆங்கில மொழி மூலம் 02 மாணவர்களும், மொத்தமாக 19 மாணவர்கள் 9A சித்திகளை பெற்றுள்ளனர்.
தமிழ் மொழி மூலம் தோற்றிய மாணவர்களான பீ.சாய்பிரசாத், பி.மதுஷ்கர், ஜீ.ஹரின் ஜெசிகா, பி.மிதுலாஷினி, எஸ்.கிருஷிகா, ஏ.மதுர்ஷிதா, கே.பவிஷாந்த், எஸ்.வேந்கர், கே.பூஜிதா, கே.சர்மினா, ஏ.எப்.எஸ்.கேசியா, ஜி.தினுஷன், ஆர்.நிவேதன், எச்.மதுஜா, வீ.அபிஜா, எஸ்.ஸ்ரீயாலினி, கே.சாருகேஷ் ஆகியோரும், ஆங்கில மொழி மூலம் தோற்றிய மாணவன் கே.பிரனவ், மாணவி ஆர்.பிரவிஷா உள்ளிட்ட 19 மாணவர்கள் 9 பாடங்களில் 9A சித்திகளை பெற்று கல்லூரிக்கு பெருமை சேர்த்துள்ளனர்.
இப்பாடசாலையில் 100 சதவீத மாணவர்கள் இம்முறை உயர் தரத்திற்கு தகுதி பெற்றுள்ளதாகவும் கல்லூரியின் அதிபர் தெரிவித்துள்ளார்.
2018ஆம் ஆண்டு இடம்பெற்ற க.பொ.த. சாதாரணதர பரீட்சையின் பெறுபேறுகள் நேற்று நள்ளிரவு வௌியிடப்பட்டன. பெறுபேறுகளின் அடிப்படையில் 9413 மாணவர்கள் 9 A சித்திகளைப் பெற்றுள்ளமை குறிப்பிடத்தக்கது.
