தீவிரவாத முகாம்கள் மீது தாக்குதல் நடத்திய இந்திய விமானப்படைக்கு பாராட்டுகள் குவிந்து வருகின்றன.இந்திய விமானப்படை இன்று அதிகாலை 21 நிமிடங்கள் இந்த தாக்குதலை நடத்தியுள்ளது.
இந்த தாக்குதலை முன்னிட்டு காங்கிரஸ் கட்சித் தலைவர் ராகுல்காந்தி தனது டுவிட்டர் பக்கத்தில், “இந்திய விமானப்படை வீரர்களுக்கு என் வணக்கம்” எனத் தெரிவித்துள்ளார்.
இதே போன்று, டெல்லி முதல்வர் அரவிந்த் கெஜ்ரிவால், ”இந்திய விமானப்படை விமானிகளை வணங்குகின்றேன். அவர்கள் நம்மை பெருமை படுத்தியுள்ளனர்” என்று தெரிவித்துள்ளார்.
மேலும், “நமது வீரர்கள் சிறப்பாக விளையாடியுள்ளனர்” என்று இந்திய கிரிக்கெட் அணியின் முன்னாள் கிரிக்கெட் வீரர் வீரேந்திர சேவாக் தெரிவித்துள்ளார்.
சமாஜ்வாதி கட்சித் தலைவர் அகிலேஷ் யாதவ், புதுச்சேரி துணை நிலை ஆளுநர் கிரண் பேடி உளிட்ட பல தலைவர்கள் பாராட்டுகளைத் தெரிவித்து வருகின்றனர்.
இதேவேளை, இந்த தாக்குதலை முன்னிட்டு சமூக வலைத்தளங்களிலும் பலர் இந்திய விமானப்படைக்கு பாராட்டுகளைத் தெரிவித்து வருகின்றமை குறிப்பிடத்தக்கது.
