நாடாளுமன்ற தேர்தலில் 40 தொகுதியிலும் வென்று ஜெயலலிதாவின் சமாதியில் வெற்றிக்கனியை சமர்ப்பிப்போம் என்று அ.தி.மு.க. ஒருங்கிணைப்பாளரும் துணை முதலமைச்சருமான ஓ.பன்னீர்செல்வம் தெரிவித்துள்ளார்.வடசென்னையில் அ.தி.மு.க. சார்பில் ஜெயலலிதா பிறந்தநாள் பொதுக கூட்டத்தில் கலந்து கொண்டு கருத்து தெரிவிக்கும் போதே அவர் இதனைக் கூறினார்.
தொடர்ந்தும் தெரிவித்த அ.தி.மு.க. ஒருங்கிணைப்பாளரும் துணை முதலமைச்சருமான ஓ.பன்னீர்செல்வம், “ஒரு மாநிலத்தில் 27 ஆண்டுகள் ஆட்சி செய்த ஒரே கட்சி அ.தி.மு.க.தான். அம்மாவின் எண்ணப்படி நூறு ஆண்டுகள் என்ன ஆயிரம் ஆண்டுகளும் இந்த ஆட்சியையும் கட்சியையும் நடத்துவோம். அம்மாவின் நம்பிக்கை நாங்கள் காப்பாற்றுவோம்.
அந்தவகையில், 40 தொகுதிகளிலும் நாம் வெற்றி பெறுவோம். அதன் வெற்றிக்கனியை அம்மாவின் சமாதியில் சமர்ப்பிப்போம்” எனக் கூறினார்.
