விஜய் சேதுபதி அடுத்ததாக பொன்ராம் இயக்கத்தில் நடிக்க இருப்பதாக செய்திகள் வெளியாகியுள்ளது.இயக்குனர் பொன்ராம் இதற்கு முன்னர் சிவகார்த்திகேயனை வைத்து ‘வருத்தப்படாத வாலிபர் சங்கம்’, ‘ரஜினி முருகன்’, ‘சீமராஜா’ ஆகிய படங்களை இயக்கியுள்ளார்.
நான்காவதாக விஜய் சேதுபதியை வைத்து படம் இயக்க இருப்பதுடன், இப்படம் குறித்த அதிகாரப்பூர்வ அறிவிப்பு விரைவில் வெளியாகும் என்று எதிர்பார்க்கப்படுகிறது.
‘தர்மதுரை’ படத்திற்கு பின்னர் விஜய் சேதுபதி – சீனு ராமசாமி ‘மாமனிதன்’ படத்தின் மூலம் மூன்றாவது முறையாக இணைந்திருக்கின்றனர்.
இப்படத்தில் விஜய் சேதுபதி முச்சக்கர வண்டிச் சாரதியாக நடிப்பதுடன், விஜய் சேதுபதியின் ஜோடியாக காயத்ரி நடிக்கின்றார்.
இப்படத்தின் படப்பிடிப்புக்கள் விறுவிறுப்பாக நடந்து வரும் நிலையில், விஜய் சேதுபதியின் அடுத்த படம் பற்றிய தகவல் வெளியாகியுள்ளமை குறிப்பிடத்தக்கது.
