தனக்கு மிகவும் விருப்பமான
இரண்டு முயல்களை
ஓவியமாக வரைந்து தரும்படி
அவாவுறுகிறாள் ஹயா
கறுப்பு நிறத்தில் ஓன்றையும்
வெள்ளை நிறத்தில் மற்றதையுமென
கட்டளையும் போடுகிறாள்
எனக்கு ஓவியம் வரைவது
சற்றும் பரிட்சயமானதாக இருக்கவில்ல
இருந்தும் அவளது ஓயாத
நச்சரிப்பை சமாளிக்கவென
வெள்ளை நிறத்தில
முயலொன்றினை முடிந்தளவு வரைந்து
ஹயாவிடம் கொடுக்கிறேன்
அவள் கறுப்பு முயலையும்
வரைந்து தரும்படி அடம் பிடிக்கிறாள்
ஓவியம் வரைந்த தாளில்
பகல் பொழுதினையும் வரைகிறேன்
இப்போது முயலின் நிழலினை காட்டி
இதுதான் கறுத்த முயலென்றேன்
அவள் ஏற்றுக்கொண்டாள்
இருந்தும் இரவு வந்துவிட்டால்
நிழல் மறையும் சாத்தியமிருக்கிறது
உடன் ஔியை உதிர்க்கவென
சில மின்மினிப் பூச்சிகளை
அங்குமிங்குமாக வரைந்து விடுகிறேன்
வரைந்த ஓவியத்தின்
நிழலின் நிறம் கறுப்பென்பதனால்
இனி எப்போதும் கறுப்பு வெள்ளையென
இரண்டு முயல்கள் இருக்கும்
0
ஜமீல்